ولسه
مرقس كمال زاخر
٤٧:
١٢
م +02:00 EET
السبت ٢١ ابريل ٢٠١٨
مرقس كمال
ولسه يوماتى بنقاوح.
ولسه خيالنا فوق سارح
ولسه ف بكرة راجيين خير
ولسه مطاردنا امبارح
ولسه دموعنا محبوسة ورا الأجفان
ولسه ورودنا منقوشة على الأكفان
ولسه الدنيا بتعاكس خطاوينا
ولسه النور ورا الغيمة مسيره يبان
ولسه الشمس بتصبح فنتبَسِم
ولسه بنسعى وبرضو الرزق متقسم
ولسه ف ضيقنا نلقى قلوب بتتحنن
ولسه هواك يا صدق الحب نتنَسم
#شخابيط_انسان
#مرقس_كمال
