سهير البابلى فى رسالة لـ«السيسى»: مليون نعم ليك.. واللى مابيحبكش يتفلق

 

وكانت الفنانة سهير البابلي آخر الفنانات اللاتى دعمن الرئيس عبدالفتاح السيسي، قائلة: "أهلا يا سيسي أهلا بيك تالت ورابع وعاشر في الانتخابات.. كلنا بنحبك فعلا.. الكبير والصغير والراجل العجوز والأطفال.. والله ولاد بنتي كلهم بيقولوا السيسي.. أصل اسمك حلو والله اسمك حلو.. أمك مسمياك سيسي عشان يتحفر في القلوب وبره القلوب.. أنت محبوب يا سيسي بأخلاقك العالية مافيش حد من الفنانين مابيحبكش، واللي مابيحبكش يتفلق، مع السلامة مش ناقصينه هو كمان". 

 

وأضافت "البابلي"، في تسجيل صوتي: "سيسي تنتخب بالسلامة، كلنا بنقول نعم ليك يا سيسي مليون نعم، ومن كل أحلامي أفضل أقول ربنا يخليك يا سيسي أنا وبنتي وولادها.. أصل اسمك جميل على القلوب حلو مريح حتى الأطفال بيقولوا سيسي ياختي عليهم.. بنتي وأنا وولادهم بنحبك يا سيسي أهلا بيك معانا تالت ورابع وعاشر".

 

يذكر أن اليوم الجمعة هو آخر يوم في الدعاية الانتخابية للمرشحين، وتبدأ فترة الصمت الانتخابي غدًا، وتستمر لمدة يومين حتى يتم الاقتراع يوم الإثنين المقبل، في عُرس ديمقراطي تشهده مصر.