الأقباط متحدون - بالفيديو.. اعرف إيه هي متلازمة القلب المكسور و6 عواقب تنتج عن سيطرتك على أطفالك
  • ١١:٢٧
  • السبت , ٦ يناير ٢٠١٨
English version

بالفيديو.. اعرف إيه هي متلازمة القلب المكسور و6 عواقب تنتج عن سيطرتك على أطفالك

أماني موسى

صباحك قشطة

٣٩: ٠٨ ص +02:00 EET

السبت ٦ يناير ٢٠١٨

إعداد وتقديم – أماني موسى
أثبتت دراسة حديثة إن  القلب المكسور" قد لا يتعافى أبدًا، حيث أثبت العلم سابقًا وجود متلازمة القلب المكسور، والآن استنتج الباحثون أن القلب المكسور نتيجة الإصابة النفسية قد لا يتعافى أبدًا.
فعندما يتركنا الأحبة والأعزاء، تطفو على السطح دائما فكرة القلب المكسور. وقد أثبت العلماء فعلا أن الحالة النفسية التي يعيشها الإنسان عند فراق الحبيب تسبب متلازمة القلب المكسور، أي اضطرابا طويل الأمد في عمل القلب.
 
وفي دراسة أخرى سيتمكن العلماء قريبًا من معرفة الإصابة بالسرطان من خلال تحليل البول، ما يمكن من الاكتشاف المبكر للمرض ومن ثم العلاج.
 
وأوضحت مقدمة البرنامج أماني موسى ما هو السبب العلمي لسيلان الأنف أثناء البرد، وأختتمت بدراسة تؤكد أن القبلات من الممكن أن تؤدي للإصابة بأمراض خطيرة من خلال نقل العدوى.
وتناول موضوع الحلقة الرئيسي 6 عواقب تنتج عن السيطرة على طفلك وهم:
 
هيفقد العواقب الطبيعية : 
تحكمك في كل شيء طفلك بيعملوا بيخليه يفقد فرصته في التعلم من العواقب الطبيعية لأفعاله، لو الجو برد وهو مصر ميلبسش جاكت وانتي أجبرتيه يلبسه فـ الناتج الطبيعي لده إنه مش هيتعلم إيه اللي هيحصل لما ميلبسش جاكت و الجو برد، و في حاجات كتير ينطبق عليها الموضوع ده
اسمحي لأطفالك إنهم يواجهوا العواقب الطبيعية لتصرفاتهم طالما الحاجات دي عادية و مش خطر.
 
طفلك هيثور عليكي :
الأطفال بيحتاجوا مستوي معين من الحرية، لو حاولتي تتحكمي في كل صغيرة في حياتهم هيثوروا عليكي
الأطفال بيحتاجوا إرشاد، تحكمك ممكن يبقي بنسبالك إرشاد وانتي مش واخدة بالك من ده، بس الناتج إنهم مش هيقبلوا بده في الآخر و هيبطلوا يسمعوا ليكي و هيحاولوا يعملوا أي حاجة عشان يحسوا بحريتهم
 
إبداعه هيختفي :
تحكمك في كل حاجة في حياة أطفالك بيدي رسالة واضحة ليهم و هي " في طريقة واحدة لحل و عمل كل حاجة، الطريقة دي هي بتاعتي أنا وبس”
على الرغم من الممكن إن يكون في حلول مختلفة لحل مشكلة واحدة بس لإن تحكمك الزائد بيلغي كل ده
فكري نفسك دائماً إن طفلك ممكن يكون عنده حل مختلف لأي مشكلة، و مش شرط تكون كل حلوله تبقى غلط ، خليكي راغبة في إنك تسمحي لطفلك إنه يستكشف و يتعلم و يحاول كذا مرة في إنه يحل مشكلة قدامه قبل ما تعرفيه حلها أو تحليها انتي بطريقتك
 
هياخد منك قلقك :
تحكمك الزائد عن حده مع طفلك بيبقى نابع من إحساسك المستمر بالقلق و غالباً بيبقى تفكيرك إن لو مخلتيش كل حاجة تحت سيطرتك فـ فيه حاجة وحشة هتحصل
الأطفال حاسة الإدراك عندهم عالية و هيحسوا بده فيكي حتى لو انتي متكلمتيش و قولتي إنك قلقانة
و ساعات القلق ده بيبقي معدي, أولياء الأمور المتوترين و القلوقين دايماً أطفالهم بيبقوا كده برضه فـ مهم ليكي جداً توجهي قلقك ده لطريق تربوي صحيح بدل من إنك تفكري بإستمرار في كل الحاجات الوحشة اللي ممكن تحصل
 
هيخاف يغلط : 
لو بتتحكمي في كل حاجة طفلك بيعملها فـ غالباً هيبقى عنده خوف مستمر من إنه يغلط في أي حاجة مع إن الغلطات ممكن تبقي أداة للتعليم تساعد طفلك في إنه ازاي يتعامل مع الفشل
لو حاولتي بس تتخلي عن قليل من التحكم ده بحيث تسمحي لطفلك إنه يغلط ده هيخليه يفكر إن الغلطات دي حاجة وحشة و هيحاول يصلح من أخطاءه اللي عملها دي و هيتعلم منها
علمي طفلك إن وارد إن الواحد يغلط, واتكلمي معاه عن أهمية تحمل مسئولية تصرفاته
 
مشاكله النفسية هتزيد :
الأطفال اللي والديهم متحكمين زيادة عن اللزوم معدل أصابتهم بالمشاكل النفسية بيبقي عالي، خصوصاً الإكتئاب و القلق وده بسبب عدم تملك الأطفال حرية التعبير عن نفسهم
سيبي أطفالك يعيشوا حياتهم و انتي عينيك عليهم، لو شايفة إن أطفالك بيمروا بأي مشكلة نفسية و حاسة إن انتي السبب في ده و مش عارفة تتصرفي ولا تعملي إيه، فـ ده أنسب وقت إنك تتكلمي مع معالج نفسي تحكيله اللي بتمري بيه مع أطفالك و تسمعي لتوجيهاته و حلوله اللي هتساعد في حل مشاكلك التربوية.