الأقباط متحدون - أحمد سالم: محدش يزايد على مصر
  • ١١:٥٧
  • الخميس , ٧ ديسمبر ٢٠١٧
English version

أحمد سالم: "محدش يزايد على مصر"

محرر الأقباط متحدون

تويتات فيسبوكية

١٥: ٠٥ م +01:00 CET

الخميس ٧ ديسمبر ٢٠١٧

 الإعلامي أحمد سالم
الإعلامي أحمد سالم

 كتب – محرر الأقباط متحدون

علق الإعلامي أحمد سالم، على إعلان الرئيس الأمريكي دونالد ترامب القدس عاصمة لإسرائيل، قائلاً: "طيب ياعم المجاهد، إحنا كله عارفنا إننا خونة وكتلة وبنبيع الأرض والعرض وبنبيع كحك ولب وسوداني وعسلية وجيشنا بيعمل مكرونة سي فود وجمبري بانيه وسمك سنجاري كمان".
 
وأضاف في تدوينة عبر حسابه الرسمي بالفيسبوك، "بالنسبة بقي لخليفة المسلمين وحامي حمي الديار المعلم رجب طيب أردوغان وشركاه مش ناوي يقطع العلاقات أو يؤجل المناورات العسكرية المشتركة مع حبيبة القلب إسرائيل عشان خاطر القدس؟".
 
وعمو تميم ولا مؤاخذة المجد وقناة الجزيرة الوطنية مش ناويين يقفلوا المكتب الإسرائيلي الوحيد في الخليج أو حتى يعملوا للعدو الصهيوني بلوك أو انفريند علي الفيسبوك والواتس آب؟.
 
مستطردًا، "طيب الحمساوية وكتائب شهداء الأقصى مش ممكن يطلعوا من الأنفاق ياخدوا نفسين ويحرروا الأرض ويبقوا يرجعوا يكملوا السبوبة في سيناء؟"، "ولا داعش وأنصار بيت المقدس مش جه الوقت اللي يروحوا يحرروها ولا هما تخصص قتل في الجيش المصري بس؟".
 
وحبايبنا بتوع حلب تحترك أخبارهم إيه مع القدس مش شامين ريحة شياط؟؟ مش ناويين ياخدوا تاكسي ويطلعوا علي الأقصى شهداء بالبلالين؟؟".
واختتم بهاشتاج #محدش_يزايد علي_مصر .