الأقباط متحدون - قصيده (وصلت العيديه)
  • ١٩:١٢
  • الخميس , ٢٠ ابريل ٢٠١٧
English version

قصيده (وصلت العيديه)

حنا عادل النجار

مساحة رأي

١٨: ٠٩ ص +02:00 CEST

الخميس ٢٠ ابريل ٢٠١٧

صورة تعبيرية
صورة تعبيرية
شعر /حنا عادل النجار
وصلت العيديه
شويه قنابل ومسامير
وملفوفين ف هديه
هديه مكتوب عليها
 
وف العالم سوف يكون لكم ضيق
ولكن ثقوا فانا قد غلبت العالم
وصلت العيديه
 
بس فيها قنبله بسيطه
علشان توصلك لاورشاليم السمائيه
وصلت العيديه
وتفاصيل العيديه كانت كالاتي:
طفل اتقطع قدام امه
والي خلاها عرفته
ريحه دمه
 
اصل وشه وراسه؟
طارو وبقيوا...
جنب مداسو
اصل تفاصيل الموضوع كلها
كانت باينه ع وش ابونا.
الي صلي ع ابنه جوة الصندووق
ابنه؟؟
 
الي كان بيقوله خد يابابا
عاميل ايديا خد ودووق
بعد ساعات ابوة يصلي عليه
جوة صندوووق؟
ده كدا فعلا ابنه قاله خد ودوووق.
خد ودووق من كاس الحرمان
واكبر دليل 
 
انه اصر انه يصلي ع ابنه
بجلابيته المليانه دم
علشان يفكرنا بايام الرومان والهم
احنا صحيح بنحب الاستشهاد
ولكننا خلقنا ايضا للحياه.
خلقنا لنصنع الامجاد
فان عشنا للرب نعيش
 
وان متنا فللرب نموت
بس الي بيحصل ده جبرووت
ناس بتصلي ف هدوء
لا عمرهم شتموا ولا ضربو
ولا حتي جابو سيره حد بسوء
مستنين الصلاه تخلض
وياخدو بعض باالاحضان
وقبل متخلص الصلاه
فيهم الي عاش
 
وفيهم الي الدم ملاه
وفيهم الي راح يصلي
لامه المريضه...
فجاه بقي شهيد وشفيع ليها
علشان تعيش حياه سعيده
ده يرضي مين ياناش 
كل عيد....
 
لا بيفرقو لابين واحد 
لابس بدله ولا لابس جلابيه
المهم لازم المسيحين كل سنه يستلموا العيديه
....وصلت العيديه....