الحكومة النمساوية تعوض فتاة بـ21 ألف يورو بعد نفوق كلبها في حادث سيارة

قال الرحالة المصري أحمد حجاجوفيتش، إن الحكومة النمساوية عوضت فتاة بمبلغ 21 ألف يورو، بعد نفوق كلبها إثر حادثة سيارة.

وكتب "حجاجوفبتش"، عبر حسابه بموقع التواصل الاجتماعي "فيسبوك"، "فيرا بنت نمساوية كانت بتلعب بالكورة مع كلبها قدام بيتها ولكن الكورة اللي بيلعبوا بيها طلعت علي الشارع العمومي والكلب كان بيجري وراها وللأسف الشديد داسته عربية.. فيرا جالها صدمة شديدة واكتئاب إنها فقدت أعز المقربين ليها وهو كلبها".

وأضاف: "جارها لما لقاها مكتئبة ومش بتروح دراستها، كتب بوست عادي على فيسبوك بتاعه بيحكي القصة اللي حصلت وحط صورة فيرا جارته وهي بتعيط على كلبها، ناس كتير شافت البوست والإعلام بقى يتكلم عنه، ولكن العجيب هو رد فعل الحكومة النمساوية".

وقال: "المتحدث باسم الحكومة ومحافظ المدينة راحوا لزيارة فيرا في بيتها وجابولها كلب نفس نوع كلبها اللي مات، وكمان أدوها ٢١ ألف يورو (حوالي ٤٥٠ ألف جنيه مصري) تعويض عن الضرر النفسي والاكتئاب اللي حصلها بعد موت كلبها".

وواصل: "مش بس كده، الحكومة عملت قانون بيلزم كل العربيات اللي بتعدي في الشارع العمومي قدام بيت البنت إنها تمشي على سرعة قصوى ٥٠ كم في الساعة، وحطوا السبب على اليافطة إن فيه بنت بتلعب مع كلبها، شوفتوا الأدمية وصلت لإيه.. الإنسانية حلوة مفيش كلام".