الأقباط متحدون - معاً حثي عيد الأم (٧)
  • ١٣:٣٥
  • الاثنين , ٢٠ مارس ٢٠١٧
English version

معاً حثي عيد الأم (٧)

جورج ميخائيل عازر

مساحة رأي

١٩: ٠٨ ص +02:00 CEST

الاثنين ٢٠ مارس ٢٠١٧

معاً حثي عيد الأم
معاً حثي عيد الأم

جورج ميخائيل عازر
فاكر يا أمي لما كانت شكوتك إن القلب موجوع
فاكر يا أمي لما أخدت لقمتك وإحتملتي الجوع
فاكر يا أمي لما سهرتي وأنا تعبان تبكي بدموع

فاكر يا أمي دموع فرحتك يوم نجاحي بمجموع
فاكر يا أمي وقفتك وصلاتك بكل فرح وخشوع
فاكر يا أمي سجودك وحبك للركوع

فاكر يا أمي ضحكتك كان ليها صوت مسموع
فاكر يا أمي قسوتك كانت لمستقبلي شموع
فاكر يا أمي من إيدك شربت الخروب منقوع

فاكر يا أمي حلاوة القراقيش كانت أفخر نوع
فاكر يا أمي لهفتك وشوقك لما بغيب أسبوع
نفسي أشوفك وأحكي معاكي كام موضوع

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع