بالفيديو.. ننشر القصيدة التي أهداها سيد حجاب للبابا تواضروس

بعد وفاة الشاعر الكبير سيد حجاب، أمس الأربعاء عن عمر يناهز الـ77 عامًا، تداول عدد من رواد موقع التواصل الاجتماعي مقطع فيديو للشاعر الراحل عن قصيدة أهداها للبابا تواضروس. 
 

الفيديو جزء من أحدى حلقات برنامج "الصورة الكاملة" الذي كانت تقدمه الإعلامية ليليان داود، على شاشة قناة أون تي في الفضائية، حيث أهدى قصيدة "هلليويا وحدوه" للبابا تواضروس الثاني، والدكتور أحمد الطيب، شيخ الأزهر. 
 

ونص القصيدة كالأتي: 

هللويا المجد لله في الأعالي .. وعلى الأرض السلام والخير .. وبالناس المسرة .. وحدوه الله أكبر .. نور ملالي .. بكرة جاي يزيل ظلام الليل .. وتحيا مصر حرة .. أمة واحدة ارادة واحدة ام واحدة أب واحد دم واحد شعب واحد رب واحد .. والتاريخ شاهد .. وكل الدنيا شاهدة .. واللي فاكر غير كده .. فاجر وجاهل .. قلبه جاحد .. وده مش هبة وفورة ولا هي نص ثورة .. لأ ده ثورة مستمرة والطريق هتكملوه .. وحدوه واحد مالوش تاني أعبدوه .. في وطن واحد جدودنا وحدوه ..

الصليب فأمان فأحضان الهلال .. كان سلاحنا ضد عسكر الاحتلال .. وانهارده نقولها يا ولاد الحلال ضد جهل أبو جهل .. ودعاة الضلال .. الهلال يحضن صليب .. في حمى الوطن الحبيب .. قلبنا المصري حليب .. ربنا فرجه قريب .. ربنا اسمه الحق .. سمو وحققوه .. في وطن واحد جدودنا وحدوه .. مينا دانيال يا شهيد أشرف جهاد .. اجمع الشهداء وزفو الشيخ عماد .. شعبنا اللي كان غريب فبلاده عاد .. عيد قيامة ده واللا ده أعياد ميلاد .. كلنا هنا ايد فايد .. كلنا مشروع شهيد .. واللي جاي اصبح أكيد .. بكرة وقفة وبعده عيد .. اطلعوله استعجلوه واستقبلوه .. في وطن واحد جدودنا وحدوه .. وحدوه