سؤال برئ!

د. #أنجي_عبد_لقادر أستاذة في جامعة #جورج_تاون بتقول أن الأرهابي #عبد_الرازق_علي اللي طعن و دهس ١١ برئ من يومين في جامعة أوهايو، ربما يكون طعنهم بسبب مشاعر عدم القبول له كمسلم في أمريكا.

طيب ماشي يا دكتورة ..... سؤال علمي بسيط بقي طالما أنتي دكتورة و خبيرة وكده يعني!

أي ملحد عايش في دولة مسلمة زي مصر أو السعودية أو باكستان بيتعرض لعشرات الأضعاف من التمييز بل و ضيفي علي ده بيتعرض للأحتقار و الأهانة و الطرد من العمل و عدم قبوله لو أتقدم للزواج وأحيانا طرده من سكنه و في أحيان أخري سبه والبصق عليه حرفيا في الشوارع أو ضربه و حبسه وسجنه بتهمة أزدراء الأديان و أحيانا قتله

بلاش يا ستي ..... أي مسيحي كبر في مصر بأستثناء ولاد الذوات اللي عايشين في المهندسين و الزمالك و الأحياء الراقية أكيد سمع في طفولته جمل زي يا عضمة زرقا، يا ٣ ريشة، يا نصراني يا كافر، جهنم و بئس المصير يا أبن كذا و كذا

و ياما مسيحيين كنايسهم أتحرقت و أتطردوا من بيوتهم و أشغالهم بسبب دينهم

بلاش في ٢٠٠٩ طلع الصحفي جمال عبد الرحيم علي قناة دريم مع الأعلامي وائل الأبراشي في برنامج الحقيقة و قال البهائيين كفرة و مرتدين و يجب قتلهم .....

بعدها بساعتين هجمت الأهالي علي بيوت البهائيين بقرية الشوارنية بسوهاج و حرقوا بيوتهم في محاولة لحرقهم أحياء وهم بداخلها ولكنهم هربوا وتم تهجيرهم بشكل قسري والبوليس وقف يتفرج عليهم و من يومها مارجعوش قريتهم تاني وخسروا بيوتهم و كل ممتلكاتهم

بلاش يا ستي اللي يعرف أي حاجة عن القرانيين (المسلمين الذين يؤمنون بالقران فقط وليس السنة) في مصر يعرف أن في كتير منهم أتشدوا في أمن الدولة و بعضهم أتسجن و بعضهم أتعرض للتعذيب و في ناس أضطرت تهرب بره مصر كل ده فقط لأنهم قرانيين دون أي سبب أخر علما بأنهم ناس مسالمين جدا وزي الفل.

السؤال بقي يا دكتورة ليه عبد الرازق علي اللي هو لاجئ من الصومال و اللي أمريكا فتحت أبوابها له و أديته حياة أفضل ألف مرة من حياته البائسة في الصومال ليه سيادته لما مشاعره أتجرحت من كلمة ممكن "فرضا" يكون زميل له في الجامعة قالها له مثلا، و مافيش أي أثبات أنه أتعرض لأي أهانة ده مجرد فرض جدلي. ليه هو راح خطط و جاب سكين و ركب عربيته و دهس و طعن ١١ شخص برئ بشكل عشوائي .....

بينما الملحدين و البهائيين و الملحدين و القرانيين اللي بيتعرضوا في الدول المسلمة لأضعاف أضعاف أضعاف القهر و التمييز و القمع بشكل لا يمكن من الأساس مقارنته باللي ممكن يكون أتعرض له عبد الرازق في أمريكا ليه هو عمل كده و هم ماعملوش؟! .... ليه هو أتحول لأرهابي وهم لأ؟!!