الأقباط متحدون - تعليم مجاني
أخر تحديث ٠٤:٥٩ | الأحد ٥ ابريل ٢٠١٥ | ٢٧برمهات ١٧٣١ ش | العدد ٣٥٢٣ السنة التاسعه
إغلاق تصغير حمل تطبيق الأقباط متحدون علي أندرويد
شريط الأخبار

تعليم مجاني

صورة تعبيرية
صورة تعبيرية
بقلم - هند مختار
عارفين لما حد فينا يسمع من حد معلومة غلط بزيادة أو يفتي ويقول كلام مش مفهوم ،أول كلمة بنقولها (أدي أخرة التعليم المجاني)..
 
عارفين مصرفيها كام نوع تعليم ؟؟ تعالوا نعد فيه طبعا التعليم المجاني اللي أغلبنا متخرج منه  ،وفيه التجريبي وفيه الخاص، وفيه الانترناشيونال (أبو فلوس كتير) واللي أغلب المناهج فيه من بره مصر بعد ما نخلص الثانوي ندخل بقه على الجامعات والمعاهد مابين الجامعات العادية ،والخاصة والمعاهد اللي عاملة زي محلات أبو اتنين جنيه ونص واللي كله في الآخر لازم يتعادل في جامعة القاهرة أو عين شمس علشان نعترف بيه وأصلا مافيش شهادة مصرية معترف بيها من مصر في الخارج غير بكالريوس الخدمة الاجتماعية ومعهد تعاون ..
 
الخلاصة إن إحنا بنمثل إننا بنعلم ولادنا ،وهم بيمثلوا إنهم اتعلموا والمجتمع يعاني من جهل وتخلف مش للركب لا لحد طرطوفة المناخير ..
مش مصدقني طيب شوفوا كم الأخطاء الإملائية على صفحات التواصل من الشباب الجامعي ،بلاش شوفوا الأخطاء الموجودة على شريط الأخبار في أكتر من قناة فضائية ..
 
أغلب الجرايد والمجلات والمواقع الصحافية ماتقدرش تشتغل من غير مصححين وبياخدوا مرتبات أعلى من الكتاب ماهو المصحح ستر وغطا على الكتاب ..
 
محتاجين نوحد التعليم يبقى فيه نوع واحد من التعليم قوي قادر على إخراج جيل فعلا يعرف يتعامل مع الحياة بيحب لغته ومعتز بيها مش بيتباهى إنه مش بيعرف عربي قوي لأنه بيتعامل بالإنجلش (مرارتي اتفقعت) 
 
يبقى فيه مدرسة بجد مش مكان للمدرسين بيعملوا من وراه سبوبة دروس خصوصية ،  أو مكان زي النادي الولاد والبنات بيروحوا علشان يتسلوا ويرجعوا ..
 
حكى لي أحد صدقائي من المدرسين أنه طلب م الطلبة أن يكتبوا نص عن (ماركو بولو) الرحالة الإيطالي وكانت المفاجأة أن النص كتب عن ستائر ماركو بولو...
 
ماكانش تعليم مجاني كانت مدرسة انترناشيونال أم فلوس كتير 
 

More Delicious Digg Email This
Facebook Google My Space Twitter