أنت مش شايف يا أستاذ رؤوف إن الأوضاع فى مصر ساءت جداً والأدوار إتبدلت والفساد بقى للركب !! يعنى المجرم حتى لو كان مسئول كبير أو وزير أو نصاب على أعلى مستوى زى الريان مثلاً والسعد وغيرهم . أصبح حر على الرغم من إن الناس عارفة إنه مجرم ومتأكدة من شره وفساده .. ومع ذلك تلاقيه هو واخد حقه تالت ومتلت وعايش مبسوط ومرتاح والكل فى خدمته .. وعلى النقيض من ده نلاقى إن المواطن العادى الشريف اللى بيحب بلده ويسلك بما يرضى الله وحسب ضميره متبهدل وشقيان وتعبان .. وممكن كمان يلفقوا له تهمة توديه فى ستين داهية بالرغم من أن الناس كلها تشهد أنه إنسان شريف ونضيف ومحترم .. لكن يا خسارة مالهوش ظهر والطيب فى الزمن ده بيقولوا عليه ضعيف ويستاهل كل اللى يجراله .. فأصبحت الحكاية عادى جداً والأوضاع الغريبة ديه أمر طبيعى كمان .. وكل اللى يحاول يدافع عن الغلبان ده وعن حقوقه طبيعى يروح ورا الشمس .. لأن حكاية الدفاع ديه معناها أنه هينبش فى المستور ويكشف عن فساد وقذارة الكبار وما أدراك ما الكبار .. حيث الإنتقام الجبار من الغلابة الصغار اللى لا لهم ضهر ولا أنصار .. فى الحياة محكومين بالحديد والنار ولقدرهم خاضعين مكسورين وفى طريقهم إلى الإحتضار .